73. Lord Thomas And Annet
73a: Lord Thomas And Annet
73a.1 Lord Thomas and Fair Annet
Sate a day on a hill;
Whan night was cum, and sun was sett,
They had not talkt their fill.
73A.2 Lord Thomas said a word in jest,
Fair Annet took it ill:
A, I will nevir wed a wife
Against my ain friends will.
73A.3 Gif ye wull nevir wed a wife,
A wife wull neir wed yee:
Sae he is hame to tell his mither,
And knelt upon his knee.
73a.4 O rede, O rede, mither, he says,
A gude rede gie to mee;
O sall I tak the nut-browne bride,
And let Fair Annet bee?
73A.5 The nut-browne bride haes gowd and gear,
Fair Annet she has gat nane;
And the little beauty Fair Annet haes
O it wull soon be gane.
73A.6 And he has till his brother gane:
Now, brother, rede ye mee;
A, sall I marrie the nut-browne bride,
And let Fair Annet bee?
73A.7 The nut-browne bride has oxen, brother,
The nut-browne bride has kye;
I wad hae ye marrie the nut-browne bride,
And cast Fair Annet bye.
I wad hae ye marrie the nut-browne bride,
And cast Fair Annet bye.
73A.8 Her oxen may dye i the house, billie,
And her kye into the byre,
And I sall hae nothing to mysell
Bot a fat fadge by the fyre.
73A.9 And he has till his sister gane:
Now, sister, rede ye mee;
O sall I marrie the nut-browne bride,
And set Fair Annet free?
73A.10 Ise rede ye tak Fair Annet, Thomas,
And let the browne bride alane;
Lest ye sould sigh, and say, Alace,
What is this we brought hame!
73A.11 No, I will tak my mithers counsel,
And marrie me owt o hand;
And I will tak the nut-browne bride,
Fair Annet may leive the land.
73A.12 Up then rose Fair Annets father,
Twa hours or it wer day,
And he is gane into the bower
Wherein Fair Annet lay.
73A.13 Rise up, rise up, Fair Annet, he says,
Put on your silken sheene;
Let us gae to St. Maries kirke,
And see that rich weddeen.
73A.14 My maides, gae to my dressing-roome,
And dress to me my hair;
My maides, gae to my dressing-roome,
And dress to me my hair;
Whaireir yee laid a plait before,
See yee lay ten times mair.
73A.15 My maids, gae to my dressing-room,
And dress to me my smock;
The one half is o the holland fine,
The other o needle-work.
73A.16 The horse Fair Annet rade upon,
He amblit like the wind;
Wi siller he was shod before,
Wi burning gowd behind.
73A.17 Four and twanty siller bells
Wer a tyed till his mane,
And yae tift o the norland wind,
They tinkled ane by ane.
73A.18 Four and twanty gay gude knichts
Rade by Fair Annets side,
And four and twanty fair ladies,
As gin she had bin a bride.
73A.19 And whan she cam to Maries kirk,
She sat on Maries stean:
The cleading that Fair Annet had on
It skinkled in their een.
73A.20 And whan she cam into the kirk,
She shimmerd like the sun;
The belt that was about her waist
Was a wi pearles bedone.
73A.21 She sat her by the nut-browne bride,
And her een they wer sae clear,
Lord Thomas he clean forgat the bride,
Whan Fair Annet drew near.
73A.22 He had a rose into his hand,
He gae it kisses three,
And reaching by the nut-browne bride,
Laid it on Fair Annets knee.
73A.23 Up than spak the nut-browne bride,
She spak wi meikle spite:
And whair gat ye that rose-water,
That does mak yee sae white?
73a.24 O I did get the rose-water
Whair ye wull neir get nane,
For I did get that very rose-water
Into my mithers wame.
73A.25 The bride she drew a long bodkin
Frae out her gay head-gear,
And strake Fair Annet unto the heart,
That word spak nevir mair.
73A.26 Lord Thomas he saw Fair Annet wex pale,
And marvelit what mote bee;
But whan he saw her dear hearts blude,
A wood-wroth wexed hee.
73A.27 He drew his dagger, that was sae sharp,
That was sae sharp and meet,
And drave it into the nut-browne bride,
That fell deid at his feit.
73A.28 Now stay for me, dear Annet, he sed,
Now stay, my dear, he cryd;
Then strake the dagger untill his heart,
And fell deid by her side.
73A.29 Lord Thomas was buried without kirk-wa,
Fair Annet within the quiere,
And o the tane thair grew a birk,
The other a bonny briere.
73A.30 And ay they grew, and ay they threw,
As they wad faine be neare;
And by this ye may ken right weil
They were twa luvers deare.
73b: Lord Thomas And Annet
73b.1 Sweet Willie and Fair Annie
Sat a day on yon hill;
Though they had sat til the leventh o June,
They wad na got their fill.
73B.2 But Willie spak a word amiss,
Fair Annie took it ill:
Ill neer marry a tocherless lass
Agen my ain friends will.
73B.3 Then on she lap, and awa she gat,
As fast as she could hie:
Fare ye weel now, Sweet Willie,
Its fare ye weel a wee.
73B.4 Then he is gane to his fathers ha,
And tirled at the pin;
Then up and rase his father proud.
And loot Sweet Willie in.
73B.5 Come riddle us, riddle us, father dear,
Yea both of us into ane;
Whether sall I marry Fair Annie,
Or bring the brown bride hame?
73B.6 The brown bride she has houses and land,
And Annie she has nane;
Sae on my blessing, my auld son,
Bring ye Brown Bride hame.
73B.7 Then he is to his mithers bouer,
And tirled at the pin;
Then up and rose his mother dear
To let Sweet Willie in.
73B.8 Come riddle us, riddle us, mother dear,
Yea baith o us into ane;
Whether sall I marry Fair Annie,
Or bring the brown bride hame?
73B.9 The brown bride she has gowd and gear,
Fair Annie she has nane;
And for my blessing, my auld son,
Bring ye Brown Bride hame.
73B.10 Then he is to his sisters bouer,
And tirled at the pin;
And wha sae ready as his sister dear
To let her brither in.
73B.11 Come riddle us, riddle us, sister fair,
Us baith yea into ane;
Whether sall I marry Fair Annie,
Or bring the brown bride hame?
73B.12 The brown bride she has horse and kye,
And Annie she has nane;
But for my love, my brither dear,
Bring hame the fair woman.
73B.13 Your horse may dee into the staw,
The kye into the byre,
And yell hae nocht but a howther o dirt,
To feed about your fire.
73B.14 Then he is to Fair Annies bouer,
And tirled at the pin;
And wha sae ready as Fair Annie
To let Sweet Willie in.
73B.15 Youre welcome here to me, Willie,
Youre welcome here to me:
Im na welcome to thee, Annie,
Im na welcome to thee,
For Im come to bid ye to my wedding,
Its gey sad news to thee.
73B.16 Its gey sad news to me, Willie,
The saddest ye could tell;
Its gey sad news to me, Willie,
That shoud been bride mysel.
73B.17 Then she is to her father gane,
And bowed low on her knee:
.....
.....
73b.18 Come riddle us, riddle us, father dear,
Us baith yea into ane;
Whether sall I gang to Willies wedding,
Or sall I stay at hame?
73B.19 Whare ane will be your frien, Annie,
Twenty will be your fae;
But prove it gude, or prove it bad,
To Willies wedding Ill gae.
73B.20 Ill na put on the grisly black,
Nor yet the dowie green,
But Ill put on a scarlet robe
To sheen like onie queen.
73B.21 Shes orderd the smiths to the smithy,
To shoe her a riding steed;
She has orderd the tailors to her bouer,
To dress her a riding weed.
73B.22 She has calld her maries to her bour,
To lay gowd on her hair:
Whare eer ye put ae plait before,
See ye lay ten times mair.
73B.23 The steed Fair Annie rade upon,
He bounded like the wind;
Wi silver he was shod before,
Wi burning gowd behind.
73B.24 And four and twenty siller bells
War ti d til his mane;
Wi ae blast o the norland wind
They tinkled ane by ane.
73B.25 And whan she cam unto the place,
And lichted on the green,
Ilka ane that did her see
Thought that she was a queen.
73B.26 Is this your bride, Sweet Willie? she said,
I think shes wondrous wan;
Ye micht have had as fair a bride
As eer the sun sheend on.
73b.27 O haud your tongue, Fair Annie, he said,
Wi your talk let me abee;
For better I loe your little finger
Than the brown brides haill bodie.
73B.28 Then out and spak the nut-brown bride,
And she spak out of spite:
O whare gat ye the water, Annie,
That washd your face sae white?
73b.29 O I gat een the water, quo she,
Whare ye will neer get nane;
Its I gat een the water, quo she,
Aneath yon marble stane.
73B.30 Then out and spake the nut-brown bride,
And she spak yet again:
O whare gat ye the claith, Annie,
That dried your face sae clean?
73b.31 O I gat een the claith, quo she,
Whare ye will neer get nane;
Its I gat een the claith, quo she,
Aneath yon bouer o bane.
73B.32 The brown bride had a little penknife,
Which she kept secret there;
She stabbd Fair Annie to the heart,
A deep wound and a sair.
73B.33 Its out and spak he Sweet Willie,
And he spak yet again:
O whats the matter wi thee, Annie,
That ye do look sae wan?
73B.34 Oh are ye blind, Willie? she said,
Or do ye no weel see?
I think ye micht see my hearts blude,
Come rinning by my knee.
73B.35 Then Willie took a little sword,
Which he kept secret there,
And strak the brown bride to the heart,
A word she neer spak mair.
73B.36 And after that a this was dune,
He drew it through the strae,
And through his ain fair bodie
He causd the cauld iron gae.
73B.37 The last words that Sweet Willie spak,
His heart was almaist gane;
May never a young man like me
Have sic a sad wedding.
73B.38 For gear will come, and gear will gang,
And gears ae but a lend,
And monie a ane for warlds gear
A silly brown bride brings hame.
And monie a ane for warlds gear
A silly brown bride brings hame.
73B.39 Sweet Willie was buried in Marys kirk,
And Annie in Marys quire,
And out o the ane there grew a birk,
And out o the ither a brier.
73B.40 And ae they grew, and ae they threw,
Until the twa did meet,
That ilka ane micht plainly see
They were true lovers sweet.
73c: Lord Thomas And Annet
73c.1 Come read my rede, O mother dear,
Come riddle it all in one;
O whether will I take Fair Annie,
Or bring the brown bride home?
73C.2 The brown, brown bride has kye and ewes,
Fair Annie she has none;
She has nothing but a bonny, bonny face,
And thatll soon be gone.
73C.3 Where will I get a pretty little boy,
Thatll rin my errands soon,
That will rin to Fair Annies bower,
And bid her to my wedding?
73C.4 Here am I, a pretty little boy,
Thatll rin your errands soon,
That will rin to Fair Annies bower,
And bid her to your wedding.
73C.5 Forbid her to put on her silks so black,
Or yet her silks so brown;
But she must put on her suddled silks,
That she wears up and down.
73C.6 Forbid her to put on her silks so green,
Or yet her sils so gray;
But she must put on her suddled silks,
That she wears every day.
73C.7 When he gade to Fair Annies bower,
He tirled at the pin;
So ready was Fair Annie hersell
To open and let him in.
73C.8 What news, what news, my little boy?
What news hast thou to me?
You must prepare for Lord Thomas wedding,
And thats bad news for thee.
73C.9 Good news, good news, Fair Annie says,
Good news is it for me,
For me to be bride and him bridegroom,
And thats good news for me.
73C.10 He forbids thee to put on thy silks so black,
Or yet thy silks so brown;
But thou must put on thy suddled silks,
That thou wears up and down.
73C.11 He forbids you to put on thy silks so green,
Or yet thy silks so gray;
But thou must on thy suddled silks,
That thou wears every day.
73C.12 There are smiths into my smiddy-bour
Thatll dress to me a steed,
There are tailors in my tailor-house
Thatll dress to me a weed.
73C.13 There are maidens in my maiden-bower
Thatll lay gold in my hair,
And where eer there were ane link before,
It shall be nine times mair.
73C.14 Then Annie got herself attired,
In all things very fine,
With red ribbons, and silks so fair,
That owre her shoulders shine.
73C.15 When she came to Lord Thomas yett,
She shined amang them a,
And the buttons on Lord Thomas coat
Brusted and brak in twa.
73C.16 Brown, brown is your steed, she says,
But browner is your bride;
But gallant is that handkerchy
That hideth her din hide.
73c.17 O hold thy peace, Fair Annie, he says,
Speak not of that to me,
For happy is that bonny, bonny lad
That leads his life with thee.
73C.18 Then out bespoke the brown, brown bride,
And she spoke out with spite:
O whare gets thou that water-cherry,
That washes thee so white?
73c.19 I got in my fathers garden,
Below an olive tree,
And although thou war to seek long seven years
That water thoull never see.
73C.20 Tho thou hast got Lord Thomas hand
That water thoull neer see;
For thous sunbrunt from thy mothers womb,
And thoull never be like me.
* * * * *
73d: Lord Thomas And Annet
73d.1 Lord Thomas he was a bold forrester,
And a chaser of the kings deer;
Fair Ellinor was a fair woman,
And Lord Thomas he loved her dear.
73D.2 Come riddle my riddle, dear mother, he said,
And riddle us both as one,
Whether I shall marry Fair Ellinor,
And let the brown girl alone.
73D.3 The brown girl she has got houses and lands,
And Fair Ellinor she has got none;
Therefore I charge you on my blessing
To bring me the brown girl home.
73D.4 And as it befell on a high holidaye,
As many did more beside,
Lord Thomas he went to Fair Ellinor,
That should have been his bride.
73D.5 But when he came to Fair Ellinors bower,
He knocked there at the ring;
But who was so ready as Fair Ellinor
For to let Lord Thomas in.
73D.6 What news, what news, Lord Thomas, she said,
What news hast thou brought unto me?
I am come to bid thee to my wedding,
And that is bad news to thee.
73D.7 Oh God forbid, Lord Thomas, she said,
That such a thing should be done;
I thought to have been thy bride my own self,
And you to have been the brids-groom.
73D.8 Come riddle my riddle, dear mother, she sayd,
And riddle it all in one;
Whether I shall go to Lord Thomass wedding,
Or whether I shall tarry at home.
73D.9 Theres many that are your friends, daughter,
And many that are your fo;
Therefore I charge you on my blessing,
To Lord Thomass wedding dont go.
73D.10 Theres many that are my friends, mother,
If a thousand more were my foe,
Betide my life, betide my death,
To Lord Thomass wedding Ile go.
73D.11 She cloathed herself in gallant attyre,
And her merry men all in green,
And as they rid thorough everye towne,
They took her to have been a queene.
73D.12 But when she came to Lord Thomass gate,
She knocked there at the ring;
But who was so ready as Lord Thomas
To lett Fair Ellinor in.
73D.13 Is this your bride? Fair Ellin she sayd,
Methinks she looks wondrous browne;
Thou mightest have had as fair a woman
As ever trod on the ground.
73D.14 Despise her not, Fair Ellin, he sayd,
Despise her not now unto mee;
For better I love thy little finger
Than all her whole body.
73D.15 This browne bride had a little penknife,
That was both long and sharp,
And betwixt the short ribs and the long
Prickd Fair Ellinor to the heart.
73D.16 Oh Christ now save thee, Lord Thomas he said,
Methinks thou lookst wondrous wan;
Thou wast usd for to look with as fresh a colour
As ever the sun shind on.
73D.17 Oh art thou blind, Lord Thomas? she sayd,
Or canst thou not very well see?
Oh dost thou not see my own hearts blood
Runs trickling down my knee?
73D.18 Lord Thomas he had a sword by his side,
As he walked about the hall;
He cut off his brides head from her shoulders,
And he threw it against the wall.
73D.19 He set the hilte against the ground,
And the point against his heart;
There was never three lovers that ever met
More sooner they did depart.
73e: Lord Thomas And Annet
73e.1 Sweet Willie and Fair Annie
Sat a day on a hill,
And though they had sitten seven year,
They neer wad had their fill.
73E.2 Sweet Willie said a word in haste,
And Annie took it ill:
I winna wed a tocherless maid,
Against my parents will.
73E.3 Yere come o the rich, Willie,
And Im come o the poor;
Im oer laigh to be your bride,
And I winna be your whore.
73e.4 O Annie shes gane till her bower,
And Willie down the den,
And hes come till his mithers bower,
By the lei light o the moon.
73e.5 O sleep ye, wake ye, mither? he says,
Or are ye the bower within?
I sleep richt aft, I wake richt aft;
What want ye wi me, son?
73E.6 Whare hae ye been a nicht, Willie?
O wow, yeve tarried lang!
I have been courtin Fair Annie,
And she is frae me gane.
73E.7 There is twa maidens in a bower;
Which o them sall I bring hame?
The nut-brown maid has sheep and cows,
And Fair Annie has nane.
73E.8 Its an ye wed the nut-brown maid,
Ill heap gold wi my hand;
But an ye wed her Fair Annie,
Ill straik it wi a wand.
73E.9 The nut-brown maid has sheep and cows,
And Fair Annie has nane;
And Willie, for my benison,
The nut-brown maid bring hame.
73e.10 O I sall wed the nut-brown maid,
And I sall bring her hame;
But peace nor rest between us twa,
Till death sinders again.
73E.11 But, alas, alas! says Sweet Willie,
O fair is Annies face!
But whats the matter, my son Willie?
She has nae ither grace.
73E.12 Alas, alas! says Sweet Willie,
But white is Annies hand!
But whats the matter, my son Willie?
She hasna a fur o land.
73E.13 Sheep will die in cots, mither,
And owsen die in byre;
And whats this warlds wealth to me,
An I get na my hearts desire?
73E.14 Whare will I get a bonny boy,
That wad fain win hose and shoon,
That will rin to Fair Annies bower,
Wi the lei light o the moon?
73E.15 Yell tell her to come to Willies weddin,
The morn at twal at noon;
Yell tell her to come to Willies weddin,
The heir o Duplin town.
73E.16 She manna put on the black, the black,
Nor yet the dowie brown,
But the scarlet sae red, and the kerches sae white,
And her bonny locks hangin down.
73E.17 He is on to Annies bower,
And tirled at the pin,
And wha was sae ready as Annie hersel
To open and let him in.
73E.18 Ye are bidden come to Willies weddin,
The morn at twal at noon;
Ye are bidden come to Willies weddin,
The heir of Duplin town.
73E.19 Ye manna put on the black, the black,
Nor yet the dowie brown,
But the scarlet sae red, and the kerches sae white,
And your bonny locks hangin down.
73E.20 Its I will come to Willies weddin,
The morn at twal at noon;
Its I will come to Willies weddin,
But I rather the mass had been mine.
73E.21 Maidens, to my bower come,
And lay gold on my hair;
And whare ye laid ae plait before,
Yell now lay ten times mair.
73E.22 Taylors, to my bower come,
And mak to me a weed;
And smiths, unto my stable come,
And shoe to me a steed.
73E.23 At every tate o Annies horse mane
There hang a silver bell,
And there came a wind out frae the south,
Which made them a to knell.
73E.24 And whan she came to Mary-kirk,
And sat down in the deas,
The light that came frae Fair Annie
Enlightend a the place.
73E.25 But up and stands the nut-brown bride,
Just at her fathers knee:
O wha is this, my father dear,
That blinks in Willies ee?
O this is Willies first true-love,
Before he loved thee.
73E.26 If that be Willies first true-love,
He might hae latten me be;
She has as much gold on ae finger
As Ill wear till I die.
73e.27 O whare got ye that water, Annie,
That washes you sae white?
I got it in my mithers wambe,
Whare yell neer get the like.
73E.28 For yeve been washd in Dunnys well,
And dried on Dunnys dyke,
And a the water in the sea
Will never wash ye white.
73E.29 Willies taen a rose out o his hat,
Laid it in Annies lap:
.....
Hae, wear it for my sake.
73E.30 Tak up and wear your rose, Willie,
And weart wi mickle care;
For the woman sall never bear a son
That will make my heart sae sair.
73E.31 Whan night was come, and day was gane,
And a man boun to bed,
Sweet Willie and the nut-brown bride
In their chamber were laid.
73E.32 They werena weel lyen down,
And scarcely fan asleep,
Whan up and stands she Fair Annie,
Just up at Willies feet.
73E.33 Weel brook ye o your brown, brown bride,
Between ye and the wa;
And sae will I o my winding sheet,
That suits me best ava.
73E.34 Weel brook ye o your brown, brown bride,
Between ye and the stock;
And sae will I o my black, black kist,
That has neither key nor lock.
73E.35 Sad Willie raise, put on his claise,
Drew till him his hose and shoon,
And he is on to Annies bower,
By the lei light o the moon.
73E.36 The firsten bower that he came till,
There was right dowie wark;
Her mither and her three sisters
Were makin to Annie a sark.
73E.37 The nexten bower that he came till,
There was right dowie cheir;
Her father and her seven brethren
Were makin to Annie a bier.
73E.38 The lasten bower that he came till,
.....
.....
And Fair Annie streekit there.
73E.39 Hes lifted up the coverlet,
.....
.....
.....
73e.40 Its I will kiss your bonny cheek,
And I will kiss your chin,
And I will kiss your clay-cald lip,
But Ill never kiss woman again.
73E.41 The day ye deal at Annies burial
The bread but and the wine;
Before the morn at twall oclock,
Theyll deal the same at mine.
73E.42 The tane was buried in Marys kirk,
The tither in Marys quire,
And out o the tane there grew a birk,
And out o the tither a brier.
73E.43 And ay they grew, and ay the drew,
Untill they twa did meet,
And every ane that past them by
Said, Thaes been lovers sweet!
73f: Lord Thomas And Annet
73f.1 Sweet Willie and Fair Annie,
As they sat on yon hill,
If they hed sat frae morn till even,
They hed no talked their fill.
* * * * *
73f.2 Willies dune him hame again,
As fast as gang could he:
An askin, an askin, my mother,
And I pray yell grant it me.
73F.3 Oh will I merry the nut-brown maid,
Wi her oxen and her kye?
Or will I merry my Fair Annie,
That hes my heart for aye?
73F.4 Oh if ye merry your Fair Annie,
Your mithers malison youll wun;
But if ye merry the nut-brown may,
Ye will get her blessin.
73F.5 Oh voes me, mother, Willie said,
For Annies bonny face!
Little metter o that, my son Willie,
When Annie hesna grace.
73F.6 Oh voes me, mither, Willie said,
For Annies bonny han!
And whats the metter, son Willie,
When Annie hesna lan?
73F.7 But ye will merry the nut-brown may,
Wi her oxen and her kye;
But ye will merry the nut-brown may,
For she hes my hert for aye.
73F.8 Out and spak his sister Jane,
Where she sat be the fire:
Whats the metter, brother Willie?
Tack ye your hearts desire.
73F.9 The oxen may die into the pleuch,
The cow drown i the myre;
And whats the metter, brother Willie?
Tak ye your hearts desire.
73F.10 Whare will I get a bonny boy,
That will wun hose and shune,
That will run on to Annys bower,
And come right sune again?
73F.11 Yell bid her come to Willies weddin,
The morn is the day;
Yell bid her come to Willies weddin,
And no make no delay.
73F.12 Yell forbid her to put on the black, the black,
Or yet the dowie brown;
But the white silk and the reed skarlet,
That will shine frae town to town.
73F.13 He is on to Anies bower,
And tirled at the pin,
And wha was sae ready as Annie hersel
To let the ladie in.
73F.14 Yer bidden to come to Willies weddin,
The morn is the day;
Yer bidden come to Willies weddin,
And no mack no delay.
73F.15 Yer forbidden to put on the black, the black,
Or yet the dowie brown;
But the white silk and the red scarlet,
That will shine frae town to town.
73F.16 Yer forbidden to put on the black, the black,
Or yet the dowie gray;
But the white silk and the red scarlet,
That will shine frae brae to brae.
73F.17 Its I will come to Willies weddin,
Gif the morn be the day;
Its I will come to Willies weddin,
And no mack no delay.
73F.18 Annies steed was silver shod,
And golden graithed behin;
At every teet o her horse mane
A silver bell did ring.
73F.19 When Annie was in her sadle set,
She glanced like the moon;
There was as much gould abov her brow
Would buy an earldom.
73F.20 When Annie was on her sadel set,
She glanced like the fire;
There was as much gould above her brow
Was worth a yearls hire.
73F.21 Annie gaed in the heigh, heigh hill,
And Willie the dowie glen;
Annie alane shone brighter
Than Willie and a his men.
73F.22 Oh wha is that, my ane Willie,
That glances in your ee?
Oh it is Annie, my first fore love,
Come till see you and me.
73F.23 Oh far got ye that water, Annie,
That washes ye so wan?
Oh I got it aneth yon marble stane,
Where ye will nere get nane.
73F.24 Yeve been brunt sare anent the sun,
And rocket i the reek;
And tho ye wad wash till dooms day,
Ye wad never be so white.
73F.25 If this be Annie, your first fore love,
Come our weddin to see,
She has by far owr brent a brow
To lat ye bide by me.
73F.26 When bells were rung, and mass was sung,
And a men bun to bed,
Sweet Willie and his nut-brown bride
In ae chamber were laid.
73F.27 The hedna weel layn down, layn down,
But nor hed fallen asleep,
When up and started Fair Annie,
And stud at Willies feet.
73F.28 Vo be to you, nut-brown bride,
Wi yer oxen and your sheep!
It is Annie, my first fore love,
And I fear sair she is dead.
73F.29 Vo be te you, nut-brown bride,
An ill death you betide!
For youve parted me and my first fore love,
And I fear death is her guide.
73F.30 Youll seddle to me the black, the black,
Youll seddle to me the brown,
Till I ride on to Annies bower
And see how she is bune.
73F.31 When he came to Fair Annies bower,
And lighted and gaed in,
......
.....
73f.32 Her father was at her heed, her heed,
Her mother at her feet,
Her sister she was at her side,
Puttin on her winding sheet.
73F.33 Its kiss will I yer cheek, Annie,
And kiss will I your chin,
And I will kiss your wan, wan lips,
Tho there be no breath within.
73F.34 Ye birl, ye birle at my luves wake
The white bread and the wine,
And or the morn at this same time
Yell brile the same at mine.
73F.35 They birled, they birled at Annies wake
The white bread and the wine,
And ere the morn at that same time
At his they birled the same.
73F.36 The one was buried at Marys kirk,
The other at Marys quire,
And throw the one there sprang a birk,
And throw the other a brier.
73F.37 And ay at every years ane
They grew them near and near,
And every one that passed them by
Said, They be lovers dear.
73g: Lord Thomas And Annet
73g.1 Sweet Willie and Fair Annie,
They sat on yon hill,
And frae the morning till night
This twa neer talked their fill.
73G.2 Willie spak a word in jest,
And Ann took it ill:
Wes court na mare maidens,
Against our parents will.
73G.3 Its na against our parents will,
Fair Annie she did say,
.....
.....
73g.4 Willie is hame to his bower,
To his book all alane,
And Fair Annie is to her bower,
To her book and her seam.
73G.5 Sweet Willie is to his mother dear,
Fell low down on his knee:
An asking, my mother dear,
And ye grant it to me;
O will I marry the nut-brown may,
An lat Fair Annie gae?
73G.6 The nut-brown may has ousen, Willie,
The nut-brown may has key;
An ye will winn my blessing, Willie,
And latt Fair Annie be.
73G.7 He did him to his father dear,
Fell low down on his knee:
An asking, my father,
An ye man grant it me.
73G.8 Ask on, my ae son Willie,
Yer sur yer askins free;
Except it is to marry her Fair Annie,
And that manna be.
73G.9 Out spak his little sister,
As she [sat] by the fire:
The ox-leg will brack in the plough,
And the cow will drown in the mire.
73G.10 An Willie will ha nathing
But the dam to sitt by the fire;
Fair Annie will sit in her beagly bower,
An winn a earls hire.
73G.11 Fair faa ye, my little sister,
A guid dead mat ye die!
An ever I hae goud,
Well tochered sall ye be.
73G.12 Hes awa to Fair Annie,
As fast as gan could he:
O will ye come to my marriage?
The morn it is to be.
73g.13 O I will come to yer marriage,
The morn, gin I can win.
.....
.....
73g.14 Annie did her to her father dear,
Fell down on her knee:
An askin, my father,
And ye man grant it me;
Lat me to Sweet Willies marriage,
The morn it is to be.
73G.15 Yer horse sall be siller shod afore,
An guid red goud ahin,
An bells in his mane,
To ring against the win.
73G.16 She did her to her mother dear,
Fell down on her knee:
Will ye lat me to Willies marriage?
The morn it is to be;
Ill lat ye to Willies marriage,
An we the morn see.
73G.17 Whan Annie was in her saddle set
She flamd against the fire;
The girdle about her sma middle
Wad a won an earls hire.
73G.18 Whan they came to Mary kirk,
And on to Mary quire,
O far gat ye that watter, Ann,
That washes ye sae clear?
73g.19 I got it in my fathers garden,
Aneth a marbell stane;
.....
.....
73g.20 O whar gat ye that water, Annie,
That washes ye sae fite?
I gat it in my mothers womb,
Whar ye[s] never get the like.
73G.21 For ye ha been christned wi moss-water,
An roked in the reak,
An ser brunt in yer mithers womb,
For I think yell neer be fite.
73G.22 The nut-brown bride pat her hand in
... at Annie[s] left ear,
And gin her....
A deep wound and a sare.
73G.23 Than.. Annie ged on her horse back,
An fast away did ride,
But lang or cocks crowing,
Fair Annie was dead.
73G.24 Whan bells were rung, and mess was sung,
An a man boun to bed,
Sweet Willie and the nut-brown bride
In a chamber were laid.
73G.25 But up and wakend him Sweet Willie
Out of his dreary dream:
I dreamed a dream this night,
God read a dream to guid!
73G.26 That Fair Annies bowr was full of gentlemen,
An herself was dead;
But I will on to Fair Annie,
An sit if it be guid.
73G.27 Seven lang mile or he came near,
He heard a dolefull chear,
Her father and her seven brithern,
Walking at her bier;
The half of it guid red goud,
The other silver clear.
73G.28 Ye deal at my loves leak
The white bread an the wine;
But on the morn at this time
Yes dee the like at mine.
73G.29 The ane was buried at Mary kirk,
The ither at Mary quire;
Out of the ane grew a birk,
Out of the ither a briar.
73G.30 An aye the langer that they grew,
They came the ither near,
An by that ye might a well kent
They were twa lovers dear.
73h: Lord Thomas And Annet
73h.1 Fair Annie and Sweet Willie,
As they talked on yon hill,
Though they had talked a lang summer day,
They wad na hae talked their fill.
73H.2 If you would be a good woman, Annie,
An low leave a your pride,
In spite of a my friends, Annie,
I wad mak you my bride.
73H.3 Thick, thick lie your lands, Willie,
An thin, thin lie mine;
An little wad a your friends think
O sic a kin as mine.
73H.4 Thick, thick lie your lands, Willie,
Down by the coving-tree;
An little wad a your friends think
O sic a bride as me.
73h.5 O Fair Annie, O Fair Annie,
This nicht yeve said me no;
But lang or ever this day month
Ill make your heart as sore.
73H.6 Its Willie he went home that night,
An a sick man lay he down;
An ben came Willies auld mither,
An for nae gude she came.
* * * * *
73h.7 Its if ye marry Fair Annie,
My malison yes hae;
But if ye marry the nut-brown may,
My blessin an yes hae.
73H.8 Mother, for your malison,
An mother, for your wis,
Its I will marry the nut-brown may,
.....
73h.9.....
.....
Its up an spak his sister,
.....
73h.10 The owsen may hang in the pleugh,
The kye drown in the myre,
An hell hae naething but a dirty drab
To sit doun by the fire.
* * * * *
73h.11 Where will I get a bonny boy,
That will win hose and shoon,
That will rin on to Annies bower,
An haste him back again?
73H.12 Its I have run your errands, Willie,
An happy hae I been;
Its I will rin your errands, Willie,
Wi the saut tears in my een.
73H.13 When ye come to Annies bower,
She will be at her dine;
And bid her come to Willies weddin,
On Monday in good time.
73H.14 Tell her neither to put on the dowie black,
Nor yet the mournfu brown,
But the gowd sae reed, and the silver white,
An her hair weel combed down.
73H.15 Tell her to get a tailor to her bower,
To shape for her a weed,
And a smith to her smithy,
To shoe for her a steed.
73H.16 To be shod wi silver clear afore,
An gold graithed behind,
An every foot the foal sets down,
The gold lie on the ground.
73H.17 Its when he came to Annies bower,
Its she was at her dine:
Yere bidden come to Willies weddin,
On Monday in good time.
73H.18 Youre neither to put on the dowie black,
Nor get the mournfu brown,
But the gowd sae reid, an the silver white,
An yere hair well combed doun.
73H.19 Youre to get a tailor to your bower,
To shape for you a weed,
And likewise a smith to your smithy,
To shoe for you a steed.
73H.20 To be shod with silver clear afore,
An gold graithed behind,
An every foot the foal sets down,
The gold lie on the ground.
73H.21 Its I will come to Willies weddin,
I rather it had been mine;
Its I will come to Willies weddin,
On Monday in good time.
73H.22 Its Ill send to Willie a toweld silk,
To hing below his knee.
An ilka time he looks on it,
Hell hae gude mind o me.
* * * * *
73h.23 An askin, father, an askin,
An I hope you will grant me;
For it is the last askin
That ever Ill ask of thee.
73H.24 Ask me, Annie, gold, he said,
An ask me, Annie, fee,
But dinna ask me Sweet Willie,
Your bedfellow to be.
73H.25 Its I will ask you gold, father,
Sae will I ask you fee,
But I needna ask you Sweet Willie,
My bedfellow to be.
73H.26 For I am bidden to Willies weddin,
On Monday in good time,
.....
.....
* * * * *
73h.27 On every tait o her horses mane
A siller bell did hing,
An on every tait o her horses tail
A golden bell did ring.
73H.28 Twal and twal rade her afore,
An twal an twal ahind,
An twal an twal on every side,
To hold her frae the wind.
73H.29 Fair Annie shined mair on the top o the hill
Than Willie did in the glen;
Fair Annie shined mair on the heid o the hill
Than Willie wi a his men.
73H.30 Whan she came to Marys kirk,
She lighted on the stane;
An when she came to the kirk-door,
She bade the bride gae in.
73H.31 Clear, clear is your day, Willie,
But brown, brown is your bride;
Clear, clear is her lawn curches,
But weel dunned is her hide.
73H.32 Where got ye yon water, Annie,
That has made you so white?
I got it in my fathers garden,
Below yon hollan dyke.
73H.33 But ye hae been washed i the moss water,
An rocked in the reek;
Ye hae been brunt in your mithers wame,
An ye will neer be white.
73H.34 Whatna fool were ye, Willie,
To lay your love on me;
Shes mair gowd on her heid this day
Than Ill wear till I die!
73H.35 Ive laid nae love on you, brown may,
Ive laid nae love on you;
Ive mair love for Fair Annie this day
Than Ill hae for you till I dee.
* * * * *
73h.36 If you will neither eat nor drink,
Youll see good game an play;
But she turned her horse head to the hill,
An swift she rode away.
* * * * *
73h.37 When they were all at supper set,
.....
Till he went to Fair Annies bower,
By the ley licht o the mune.
73H.38 An when he came to Annies bower,
Annie was lying deid,
An seven o Annies sisters an sisters bairns
Were sewing at Annies weed.
73H.39 Its I will take your hand, Annie,
Since ye wald neer take mine;
The woman shall never have the hand
That Ill touch after thine.
73H.40 An I will kiss your mouth, Annie,
Since ye will never kiss mine;
The woman shall never have the lips
That Ill kiss after thine.
* * * * *
73h.41.....
.....
As much breid ye deal at Annies dairgie
Tomorrow yes deal at mine.
73[i]: Lord Thomas And Annet
73[i].1 Fair Annie an Sweet Willie
Sat a day on yon hill;
Whan day was gane an night was comd,
They hadna said their fill.
73[i.2] Willie spak but ae wrang word,
An Annie took it ill:
Ill never marry a fair woman
Against my friendss will.
73[i.3] Annie spak but ae wrang word,
An Willy lookit down:
If I binna gude eneugh for yer wife,
Im our-gude for yer loun.
73[i.4] Willies turnd his horses head about,
Hes turnd it to the broom,
An hes away to his fathers bower,
I the ae light o the moon.
73[i.5] Whan he cam to his fathers bower,
[He tirlt at the pin;
Nane was sae ready as his father
To rise an let him in.]
73[i.6] An askin, an askin, dear father,
An askin Ill ask thee;
Say on, say on, my son Willie,
Whatever your askin be.
73[i.7] O sall I marry the nit-brown bride,
Has corn, caitle an kye,
Or sall I marry Fair Annie,
Has nought but fair beauty?
73[i.8] Ye ma sit a gude sate, Willy,
Wi corn, caitle an kye;
But yell but sit a silly sate
Wi nought but fair beauty.
73[i.9] Up than spak his sisters son,
Sat on the nurses knee,
Sun-bruist in his mothers wame,
Sun-brunt on his nurses knee:
73[i.10] O yer hogs will die out i the field,
Yer kye ill die i the byre;
An than, whan a yer gear is gane,
A fusom fag by yer fire!
But a will thrive at is wi you
An ye get yer hearts desire.
73[i.11] Willies turnd his horses head about,
Hes away to his mothers bour, etc.
73[i.12] O my hogs ill die out i the field,
My kye die i the byre,
An than, whan a my gear is gane,
A fusom fag bi my fire!
But a will thrive at is wi me
Gin I get my hearts desire.
73[i.13] Willies, etc.,
Hes awae to his brothers bower, etc.
73[i.14] \"] "] "] "] sisters bower, etc.
73[i.15] Than Willie has set his wadin-day
Within thirty days an three,
An he has sent to Fair Annie
His waddin to come an see.
73[i.16] The man that gade to Fair Annie
Sae weel his errant coud tell:
The morn its Willies wadin-day,
Ye maun be there yer sell.
73[i.17] Twas up an spak her aged father,
He spak wi muckle care;
An the morn be Willies wadin-day,
I wate she maun be there.
73[i.18] Gar take a steed to the smiddie,
Caw on o it four shoon;
Gar take her to a merchants shop,
Cut off for her a gown.
73[i.19] She wadna ha t o the red sae red,
Nor yet o the grey sae grey,
But she wad ha t o the sky couler
That she woor ilka day.
* * * * * * *
73[i.20] There war four-an-twontie gray goss-hawks
A flaffin their wings sae wide,
To flaff the stour thra off the road
That Fair Annie did ride.
73[i.21] The[re] war four-a-twontie milk-white dows
A fleein aboon her head,
An four-an-twontie milk-white swans
Her out the gate to lead.
73[i.22] Whan she cam to St Maries kirk,
She lightit on a stane;
The beauty o that fair creature
Shone oer mony ane.
73[i.23] Twas than out cam the nit-brown bride,
She spak wi muckle spite;
O where gat ye the water, Annie,
That washes you sae white?
73[i.24] I gat my beauty
Where ye was no to see;
I gat it i my fathers garden,
Aneath an apple tree.
73[i.25] Ye ma wash i dubs, she said,
An ye ma wash i syke,
But an ye wad wash till doomsday
Ye neer will be as white.
73[i.26] Ye ma wash i dubs, she said,
An ye ma wash i the sea,
But an ye soud wash till doomsday
Yell neer be as white as me.
73[i.27] For I gat a this fair beauty
Where ye gat never none,
For I gat a this fair beauty
Or ever I was born.
73[i.28] It was than out cam Willie,
Wi hats o silks and flowers;
He said, Keep ye thae, my Fair Annie,
An brook them weel for yours.
73[i.29] Na, keep ye thae, Willie, she said,
Gie them to yer nit-brown bride;
Bid her wear them wi mukle care,
For woman has na born a son
Sal mak my heart as sair.
73[i.30] Annies luppen on her steed
An she has ridden hame,
Than Annies luppen of her steed
An her bed she has taen.
73[i.31] When mass was sung, an bells war rung,
An a man bound to bed,
An Willie an his nit-brown bride
I their chamber war laid.
73[i.32] They war na weel laid in their bed,
Nor yet weel faen asleep,
Till up an startit Fair Annie,
Just up at Willies feet.
73[i.33] How like ye yer bed, Willie?
An how like ye yer sheets?
An how like ye yer nut-brown bride,
Lies in yer arms an sleeps?
73[i.34] Weel eneugh I like my bed, Annie,
Weel eneugh I like my sheets;
But wae be to the nit-brown bride
Lies in my arms an sleeps!
73[i.35] Willies cad on his merry men a
To rise an pit on their shoon;
An well awae to Annies bower,
Wi the ae light o the moon.
73[i.36] An whan he cam to Annies bower,
He tirlt at the pin;
Nane was sae ready as her father
To rise an let him in.
73[i.37] There was her father a[n] her seen brethren
A makin to her a bier,
Wi ae stamp o the melten goud,
Another o siller clear.
73[i.38] When he cam to the chamber-door
Where that the dead lay in,
There was her mother an six sisters
A makin to her a sheet,
Wi ae drap o....
Another o silk sae white.
73[i.39] Stand by, stand by now, ladies a,
Let me look on the dead;
The last time that I kiss[t] her lips
They war mair bonny red.
73[i.40] Stand by, stand by now, Willie, they said,
An let ye her alane;
Gin ye had done as ye soud done,
She wad na there ha lien.
73[i.41] Gar deal, gar deal at Annies burrial
The wheat bread an the wine,
For or the morn at ten o clock
Yes deald as fast at mine.
73a.1 Lord Thomas and Fair Annet
Sate a day on a hill;
Whan night was cum, and sun was sett,
They had not talkt their fill.
73A.2 Lord Thomas said a word in jest,
Fair Annet took it ill:
A, I will nevir wed a wife
Against my ain friends will.
73A.3 Gif ye wull nevir wed a wife,
A wife wull neir wed yee:
Sae he is hame to tell his mither,
And knelt upon his knee.
73a.4 O rede, O rede, mither, he says,
A gude rede gie to mee;
O sall I tak the nut-browne bride,
And let Fair Annet bee?
73A.5 The nut-browne bride haes gowd and gear,
Fair Annet she has gat nane;
And the little beauty Fair Annet haes
O it wull soon be gane.
73A.6 And he has till his brother gane:
Now, brother, rede ye mee;
A, sall I marrie the nut-browne bride,
And let Fair Annet bee?
73A.7 The nut-browne bride has oxen, brother,
The nut-browne bride has kye;
I wad hae ye marrie the nut-browne bride,
And cast Fair Annet bye.
I wad hae ye marrie the nut-browne bride,
And cast Fair Annet bye.
73A.8 Her oxen may dye i the house, billie,
And her kye into the byre,
And I sall hae nothing to mysell
Bot a fat fadge by the fyre.
73A.9 And he has till his sister gane:
Now, sister, rede ye mee;
O sall I marrie the nut-browne bride,
And set Fair Annet free?
73A.10 Ise rede ye tak Fair Annet, Thomas,
And let the browne bride alane;
Lest ye sould sigh, and say, Alace,
What is this we brought hame!
73A.11 No, I will tak my mithers counsel,
And marrie me owt o hand;
And I will tak the nut-browne bride,
Fair Annet may leive the land.
73A.12 Up then rose Fair Annets father,
Twa hours or it wer day,
And he is gane into the bower
Wherein Fair Annet lay.
73A.13 Rise up, rise up, Fair Annet, he says,
Put on your silken sheene;
Let us gae to St. Maries kirke,
And see that rich weddeen.
73A.14 My maides, gae to my dressing-roome,
And dress to me my hair;
My maides, gae to my dressing-roome,
And dress to me my hair;
Whaireir yee laid a plait before,
See yee lay ten times mair.
73A.15 My maids, gae to my dressing-room,
And dress to me my smock;
The one half is o the holland fine,
The other o needle-work.
73A.16 The horse Fair Annet rade upon,
He amblit like the wind;
Wi siller he was shod before,
Wi burning gowd behind.
73A.17 Four and twanty siller bells
Wer a tyed till his mane,
And yae tift o the norland wind,
They tinkled ane by ane.
73A.18 Four and twanty gay gude knichts
Rade by Fair Annets side,
And four and twanty fair ladies,
As gin she had bin a bride.
73A.19 And whan she cam to Maries kirk,
She sat on Maries stean:
The cleading that Fair Annet had on
It skinkled in their een.
73A.20 And whan she cam into the kirk,
She shimmerd like the sun;
The belt that was about her waist
Was a wi pearles bedone.
73A.21 She sat her by the nut-browne bride,
And her een they wer sae clear,
Lord Thomas he clean forgat the bride,
Whan Fair Annet drew near.
73A.22 He had a rose into his hand,
He gae it kisses three,
And reaching by the nut-browne bride,
Laid it on Fair Annets knee.
73A.23 Up than spak the nut-browne bride,
She spak wi meikle spite:
And whair gat ye that rose-water,
That does mak yee sae white?
73a.24 O I did get the rose-water
Whair ye wull neir get nane,
For I did get that very rose-water
Into my mithers wame.
73A.25 The bride she drew a long bodkin
Frae out her gay head-gear,
And strake Fair Annet unto the heart,
That word spak nevir mair.
73A.26 Lord Thomas he saw Fair Annet wex pale,
And marvelit what mote bee;
But whan he saw her dear hearts blude,
A wood-wroth wexed hee.
73A.27 He drew his dagger, that was sae sharp,
That was sae sharp and meet,
And drave it into the nut-browne bride,
That fell deid at his feit.
73A.28 Now stay for me, dear Annet, he sed,
Now stay, my dear, he cryd;
Then strake the dagger untill his heart,
And fell deid by her side.
73A.29 Lord Thomas was buried without kirk-wa,
Fair Annet within the quiere,
And o the tane thair grew a birk,
The other a bonny briere.
73A.30 And ay they grew, and ay they threw,
As they wad faine be neare;
And by this ye may ken right weil
They were twa luvers deare.
73b: Lord Thomas And Annet
73b.1 Sweet Willie and Fair Annie
Sat a day on yon hill;
Though they had sat til the leventh o June,
They wad na got their fill.
73B.2 But Willie spak a word amiss,
Fair Annie took it ill:
Ill neer marry a tocherless lass
Agen my ain friends will.
73B.3 Then on she lap, and awa she gat,
As fast as she could hie:
Fare ye weel now, Sweet Willie,
Its fare ye weel a wee.
73B.4 Then he is gane to his fathers ha,
And tirled at the pin;
Then up and rase his father proud.
And loot Sweet Willie in.
73B.5 Come riddle us, riddle us, father dear,
Yea both of us into ane;
Whether sall I marry Fair Annie,
Or bring the brown bride hame?
73B.6 The brown bride she has houses and land,
And Annie she has nane;
Sae on my blessing, my auld son,
Bring ye Brown Bride hame.
73B.7 Then he is to his mithers bouer,
And tirled at the pin;
Then up and rose his mother dear
To let Sweet Willie in.
73B.8 Come riddle us, riddle us, mother dear,
Yea baith o us into ane;
Whether sall I marry Fair Annie,
Or bring the brown bride hame?
73B.9 The brown bride she has gowd and gear,
Fair Annie she has nane;
And for my blessing, my auld son,
Bring ye Brown Bride hame.
73B.10 Then he is to his sisters bouer,
And tirled at the pin;
And wha sae ready as his sister dear
To let her brither in.
73B.11 Come riddle us, riddle us, sister fair,
Us baith yea into ane;
Whether sall I marry Fair Annie,
Or bring the brown bride hame?
73B.12 The brown bride she has horse and kye,
And Annie she has nane;
But for my love, my brither dear,
Bring hame the fair woman.
73B.13 Your horse may dee into the staw,
The kye into the byre,
And yell hae nocht but a howther o dirt,
To feed about your fire.
73B.14 Then he is to Fair Annies bouer,
And tirled at the pin;
And wha sae ready as Fair Annie
To let Sweet Willie in.
73B.15 Youre welcome here to me, Willie,
Youre welcome here to me:
Im na welcome to thee, Annie,
Im na welcome to thee,
For Im come to bid ye to my wedding,
Its gey sad news to thee.
73B.16 Its gey sad news to me, Willie,
The saddest ye could tell;
Its gey sad news to me, Willie,
That shoud been bride mysel.
73B.17 Then she is to her father gane,
And bowed low on her knee:
.....
.....
73b.18 Come riddle us, riddle us, father dear,
Us baith yea into ane;
Whether sall I gang to Willies wedding,
Or sall I stay at hame?
73B.19 Whare ane will be your frien, Annie,
Twenty will be your fae;
But prove it gude, or prove it bad,
To Willies wedding Ill gae.
73B.20 Ill na put on the grisly black,
Nor yet the dowie green,
But Ill put on a scarlet robe
To sheen like onie queen.
73B.21 Shes orderd the smiths to the smithy,
To shoe her a riding steed;
She has orderd the tailors to her bouer,
To dress her a riding weed.
73B.22 She has calld her maries to her bour,
To lay gowd on her hair:
Whare eer ye put ae plait before,
See ye lay ten times mair.
73B.23 The steed Fair Annie rade upon,
He bounded like the wind;
Wi silver he was shod before,
Wi burning gowd behind.
73B.24 And four and twenty siller bells
War ti d til his mane;
Wi ae blast o the norland wind
They tinkled ane by ane.
73B.25 And whan she cam unto the place,
And lichted on the green,
Ilka ane that did her see
Thought that she was a queen.
73B.26 Is this your bride, Sweet Willie? she said,
I think shes wondrous wan;
Ye micht have had as fair a bride
As eer the sun sheend on.
73b.27 O haud your tongue, Fair Annie, he said,
Wi your talk let me abee;
For better I loe your little finger
Than the brown brides haill bodie.
73B.28 Then out and spak the nut-brown bride,
And she spak out of spite:
O whare gat ye the water, Annie,
That washd your face sae white?
73b.29 O I gat een the water, quo she,
Whare ye will neer get nane;
Its I gat een the water, quo she,
Aneath yon marble stane.
73B.30 Then out and spake the nut-brown bride,
And she spak yet again:
O whare gat ye the claith, Annie,
That dried your face sae clean?
73b.31 O I gat een the claith, quo she,
Whare ye will neer get nane;
Its I gat een the claith, quo she,
Aneath yon bouer o bane.
73B.32 The brown bride had a little penknife,
Which she kept secret there;
She stabbd Fair Annie to the heart,
A deep wound and a sair.
73B.33 Its out and spak he Sweet Willie,
And he spak yet again:
O whats the matter wi thee, Annie,
That ye do look sae wan?
73B.34 Oh are ye blind, Willie? she said,
Or do ye no weel see?
I think ye micht see my hearts blude,
Come rinning by my knee.
73B.35 Then Willie took a little sword,
Which he kept secret there,
And strak the brown bride to the heart,
A word she neer spak mair.
73B.36 And after that a this was dune,
He drew it through the strae,
And through his ain fair bodie
He causd the cauld iron gae.
73B.37 The last words that Sweet Willie spak,
His heart was almaist gane;
May never a young man like me
Have sic a sad wedding.
73B.38 For gear will come, and gear will gang,
And gears ae but a lend,
And monie a ane for warlds gear
A silly brown bride brings hame.
And monie a ane for warlds gear
A silly brown bride brings hame.
73B.39 Sweet Willie was buried in Marys kirk,
And Annie in Marys quire,
And out o the ane there grew a birk,
And out o the ither a brier.
73B.40 And ae they grew, and ae they threw,
Until the twa did meet,
That ilka ane micht plainly see
They were true lovers sweet.
73c: Lord Thomas And Annet
73c.1 Come read my rede, O mother dear,
Come riddle it all in one;
O whether will I take Fair Annie,
Or bring the brown bride home?
73C.2 The brown, brown bride has kye and ewes,
Fair Annie she has none;
She has nothing but a bonny, bonny face,
And thatll soon be gone.
73C.3 Where will I get a pretty little boy,
Thatll rin my errands soon,
That will rin to Fair Annies bower,
And bid her to my wedding?
73C.4 Here am I, a pretty little boy,
Thatll rin your errands soon,
That will rin to Fair Annies bower,
And bid her to your wedding.
73C.5 Forbid her to put on her silks so black,
Or yet her silks so brown;
But she must put on her suddled silks,
That she wears up and down.
73C.6 Forbid her to put on her silks so green,
Or yet her sils so gray;
But she must put on her suddled silks,
That she wears every day.
73C.7 When he gade to Fair Annies bower,
He tirled at the pin;
So ready was Fair Annie hersell
To open and let him in.
73C.8 What news, what news, my little boy?
What news hast thou to me?
You must prepare for Lord Thomas wedding,
And thats bad news for thee.
73C.9 Good news, good news, Fair Annie says,
Good news is it for me,
For me to be bride and him bridegroom,
And thats good news for me.
73C.10 He forbids thee to put on thy silks so black,
Or yet thy silks so brown;
But thou must put on thy suddled silks,
That thou wears up and down.
73C.11 He forbids you to put on thy silks so green,
Or yet thy silks so gray;
But thou must on thy suddled silks,
That thou wears every day.
73C.12 There are smiths into my smiddy-bour
Thatll dress to me a steed,
There are tailors in my tailor-house
Thatll dress to me a weed.
73C.13 There are maidens in my maiden-bower
Thatll lay gold in my hair,
And where eer there were ane link before,
It shall be nine times mair.
73C.14 Then Annie got herself attired,
In all things very fine,
With red ribbons, and silks so fair,
That owre her shoulders shine.
73C.15 When she came to Lord Thomas yett,
She shined amang them a,
And the buttons on Lord Thomas coat
Brusted and brak in twa.
73C.16 Brown, brown is your steed, she says,
But browner is your bride;
But gallant is that handkerchy
That hideth her din hide.
73c.17 O hold thy peace, Fair Annie, he says,
Speak not of that to me,
For happy is that bonny, bonny lad
That leads his life with thee.
73C.18 Then out bespoke the brown, brown bride,
And she spoke out with spite:
O whare gets thou that water-cherry,
That washes thee so white?
73c.19 I got in my fathers garden,
Below an olive tree,
And although thou war to seek long seven years
That water thoull never see.
73C.20 Tho thou hast got Lord Thomas hand
That water thoull neer see;
For thous sunbrunt from thy mothers womb,
And thoull never be like me.
* * * * *
73d: Lord Thomas And Annet
73d.1 Lord Thomas he was a bold forrester,
And a chaser of the kings deer;
Fair Ellinor was a fair woman,
And Lord Thomas he loved her dear.
73D.2 Come riddle my riddle, dear mother, he said,
And riddle us both as one,
Whether I shall marry Fair Ellinor,
And let the brown girl alone.
73D.3 The brown girl she has got houses and lands,
And Fair Ellinor she has got none;
Therefore I charge you on my blessing
To bring me the brown girl home.
73D.4 And as it befell on a high holidaye,
As many did more beside,
Lord Thomas he went to Fair Ellinor,
That should have been his bride.
73D.5 But when he came to Fair Ellinors bower,
He knocked there at the ring;
But who was so ready as Fair Ellinor
For to let Lord Thomas in.
73D.6 What news, what news, Lord Thomas, she said,
What news hast thou brought unto me?
I am come to bid thee to my wedding,
And that is bad news to thee.
73D.7 Oh God forbid, Lord Thomas, she said,
That such a thing should be done;
I thought to have been thy bride my own self,
And you to have been the brids-groom.
73D.8 Come riddle my riddle, dear mother, she sayd,
And riddle it all in one;
Whether I shall go to Lord Thomass wedding,
Or whether I shall tarry at home.
73D.9 Theres many that are your friends, daughter,
And many that are your fo;
Therefore I charge you on my blessing,
To Lord Thomass wedding dont go.
73D.10 Theres many that are my friends, mother,
If a thousand more were my foe,
Betide my life, betide my death,
To Lord Thomass wedding Ile go.
73D.11 She cloathed herself in gallant attyre,
And her merry men all in green,
And as they rid thorough everye towne,
They took her to have been a queene.
73D.12 But when she came to Lord Thomass gate,
She knocked there at the ring;
But who was so ready as Lord Thomas
To lett Fair Ellinor in.
73D.13 Is this your bride? Fair Ellin she sayd,
Methinks she looks wondrous browne;
Thou mightest have had as fair a woman
As ever trod on the ground.
73D.14 Despise her not, Fair Ellin, he sayd,
Despise her not now unto mee;
For better I love thy little finger
Than all her whole body.
73D.15 This browne bride had a little penknife,
That was both long and sharp,
And betwixt the short ribs and the long
Prickd Fair Ellinor to the heart.
73D.16 Oh Christ now save thee, Lord Thomas he said,
Methinks thou lookst wondrous wan;
Thou wast usd for to look with as fresh a colour
As ever the sun shind on.
73D.17 Oh art thou blind, Lord Thomas? she sayd,
Or canst thou not very well see?
Oh dost thou not see my own hearts blood
Runs trickling down my knee?
73D.18 Lord Thomas he had a sword by his side,
As he walked about the hall;
He cut off his brides head from her shoulders,
And he threw it against the wall.
73D.19 He set the hilte against the ground,
And the point against his heart;
There was never three lovers that ever met
More sooner they did depart.
73e: Lord Thomas And Annet
73e.1 Sweet Willie and Fair Annie
Sat a day on a hill,
And though they had sitten seven year,
They neer wad had their fill.
73E.2 Sweet Willie said a word in haste,
And Annie took it ill:
I winna wed a tocherless maid,
Against my parents will.
73E.3 Yere come o the rich, Willie,
And Im come o the poor;
Im oer laigh to be your bride,
And I winna be your whore.
73e.4 O Annie shes gane till her bower,
And Willie down the den,
And hes come till his mithers bower,
By the lei light o the moon.
73e.5 O sleep ye, wake ye, mither? he says,
Or are ye the bower within?
I sleep richt aft, I wake richt aft;
What want ye wi me, son?
73E.6 Whare hae ye been a nicht, Willie?
O wow, yeve tarried lang!
I have been courtin Fair Annie,
And she is frae me gane.
73E.7 There is twa maidens in a bower;
Which o them sall I bring hame?
The nut-brown maid has sheep and cows,
And Fair Annie has nane.
73E.8 Its an ye wed the nut-brown maid,
Ill heap gold wi my hand;
But an ye wed her Fair Annie,
Ill straik it wi a wand.
73E.9 The nut-brown maid has sheep and cows,
And Fair Annie has nane;
And Willie, for my benison,
The nut-brown maid bring hame.
73e.10 O I sall wed the nut-brown maid,
And I sall bring her hame;
But peace nor rest between us twa,
Till death sinders again.
73E.11 But, alas, alas! says Sweet Willie,
O fair is Annies face!
But whats the matter, my son Willie?
She has nae ither grace.
73E.12 Alas, alas! says Sweet Willie,
But white is Annies hand!
But whats the matter, my son Willie?
She hasna a fur o land.
73E.13 Sheep will die in cots, mither,
And owsen die in byre;
And whats this warlds wealth to me,
An I get na my hearts desire?
73E.14 Whare will I get a bonny boy,
That wad fain win hose and shoon,
That will rin to Fair Annies bower,
Wi the lei light o the moon?
73E.15 Yell tell her to come to Willies weddin,
The morn at twal at noon;
Yell tell her to come to Willies weddin,
The heir o Duplin town.
73E.16 She manna put on the black, the black,
Nor yet the dowie brown,
But the scarlet sae red, and the kerches sae white,
And her bonny locks hangin down.
73E.17 He is on to Annies bower,
And tirled at the pin,
And wha was sae ready as Annie hersel
To open and let him in.
73E.18 Ye are bidden come to Willies weddin,
The morn at twal at noon;
Ye are bidden come to Willies weddin,
The heir of Duplin town.
73E.19 Ye manna put on the black, the black,
Nor yet the dowie brown,
But the scarlet sae red, and the kerches sae white,
And your bonny locks hangin down.
73E.20 Its I will come to Willies weddin,
The morn at twal at noon;
Its I will come to Willies weddin,
But I rather the mass had been mine.
73E.21 Maidens, to my bower come,
And lay gold on my hair;
And whare ye laid ae plait before,
Yell now lay ten times mair.
73E.22 Taylors, to my bower come,
And mak to me a weed;
And smiths, unto my stable come,
And shoe to me a steed.
73E.23 At every tate o Annies horse mane
There hang a silver bell,
And there came a wind out frae the south,
Which made them a to knell.
73E.24 And whan she came to Mary-kirk,
And sat down in the deas,
The light that came frae Fair Annie
Enlightend a the place.
73E.25 But up and stands the nut-brown bride,
Just at her fathers knee:
O wha is this, my father dear,
That blinks in Willies ee?
O this is Willies first true-love,
Before he loved thee.
73E.26 If that be Willies first true-love,
He might hae latten me be;
She has as much gold on ae finger
As Ill wear till I die.
73e.27 O whare got ye that water, Annie,
That washes you sae white?
I got it in my mithers wambe,
Whare yell neer get the like.
73E.28 For yeve been washd in Dunnys well,
And dried on Dunnys dyke,
And a the water in the sea
Will never wash ye white.
73E.29 Willies taen a rose out o his hat,
Laid it in Annies lap:
.....
Hae, wear it for my sake.
73E.30 Tak up and wear your rose, Willie,
And weart wi mickle care;
For the woman sall never bear a son
That will make my heart sae sair.
73E.31 Whan night was come, and day was gane,
And a man boun to bed,
Sweet Willie and the nut-brown bride
In their chamber were laid.
73E.32 They werena weel lyen down,
And scarcely fan asleep,
Whan up and stands she Fair Annie,
Just up at Willies feet.
73E.33 Weel brook ye o your brown, brown bride,
Between ye and the wa;
And sae will I o my winding sheet,
That suits me best ava.
73E.34 Weel brook ye o your brown, brown bride,
Between ye and the stock;
And sae will I o my black, black kist,
That has neither key nor lock.
73E.35 Sad Willie raise, put on his claise,
Drew till him his hose and shoon,
And he is on to Annies bower,
By the lei light o the moon.
73E.36 The firsten bower that he came till,
There was right dowie wark;
Her mither and her three sisters
Were makin to Annie a sark.
73E.37 The nexten bower that he came till,
There was right dowie cheir;
Her father and her seven brethren
Were makin to Annie a bier.
73E.38 The lasten bower that he came till,
.....
.....
And Fair Annie streekit there.
73E.39 Hes lifted up the coverlet,
.....
.....
.....
73e.40 Its I will kiss your bonny cheek,
And I will kiss your chin,
And I will kiss your clay-cald lip,
But Ill never kiss woman again.
73E.41 The day ye deal at Annies burial
The bread but and the wine;
Before the morn at twall oclock,
Theyll deal the same at mine.
73E.42 The tane was buried in Marys kirk,
The tither in Marys quire,
And out o the tane there grew a birk,
And out o the tither a brier.
73E.43 And ay they grew, and ay the drew,
Untill they twa did meet,
And every ane that past them by
Said, Thaes been lovers sweet!
73f: Lord Thomas And Annet
73f.1 Sweet Willie and Fair Annie,
As they sat on yon hill,
If they hed sat frae morn till even,
They hed no talked their fill.
* * * * *
73f.2 Willies dune him hame again,
As fast as gang could he:
An askin, an askin, my mother,
And I pray yell grant it me.
73F.3 Oh will I merry the nut-brown maid,
Wi her oxen and her kye?
Or will I merry my Fair Annie,
That hes my heart for aye?
73F.4 Oh if ye merry your Fair Annie,
Your mithers malison youll wun;
But if ye merry the nut-brown may,
Ye will get her blessin.
73F.5 Oh voes me, mother, Willie said,
For Annies bonny face!
Little metter o that, my son Willie,
When Annie hesna grace.
73F.6 Oh voes me, mither, Willie said,
For Annies bonny han!
And whats the metter, son Willie,
When Annie hesna lan?
73F.7 But ye will merry the nut-brown may,
Wi her oxen and her kye;
But ye will merry the nut-brown may,
For she hes my hert for aye.
73F.8 Out and spak his sister Jane,
Where she sat be the fire:
Whats the metter, brother Willie?
Tack ye your hearts desire.
73F.9 The oxen may die into the pleuch,
The cow drown i the myre;
And whats the metter, brother Willie?
Tak ye your hearts desire.
73F.10 Whare will I get a bonny boy,
That will wun hose and shune,
That will run on to Annys bower,
And come right sune again?
73F.11 Yell bid her come to Willies weddin,
The morn is the day;
Yell bid her come to Willies weddin,
And no make no delay.
73F.12 Yell forbid her to put on the black, the black,
Or yet the dowie brown;
But the white silk and the reed skarlet,
That will shine frae town to town.
73F.13 He is on to Anies bower,
And tirled at the pin,
And wha was sae ready as Annie hersel
To let the ladie in.
73F.14 Yer bidden to come to Willies weddin,
The morn is the day;
Yer bidden come to Willies weddin,
And no mack no delay.
73F.15 Yer forbidden to put on the black, the black,
Or yet the dowie brown;
But the white silk and the red scarlet,
That will shine frae town to town.
73F.16 Yer forbidden to put on the black, the black,
Or yet the dowie gray;
But the white silk and the red scarlet,
That will shine frae brae to brae.
73F.17 Its I will come to Willies weddin,
Gif the morn be the day;
Its I will come to Willies weddin,
And no mack no delay.
73F.18 Annies steed was silver shod,
And golden graithed behin;
At every teet o her horse mane
A silver bell did ring.
73F.19 When Annie was in her sadle set,
She glanced like the moon;
There was as much gould abov her brow
Would buy an earldom.
73F.20 When Annie was on her sadel set,
She glanced like the fire;
There was as much gould above her brow
Was worth a yearls hire.
73F.21 Annie gaed in the heigh, heigh hill,
And Willie the dowie glen;
Annie alane shone brighter
Than Willie and a his men.
73F.22 Oh wha is that, my ane Willie,
That glances in your ee?
Oh it is Annie, my first fore love,
Come till see you and me.
73F.23 Oh far got ye that water, Annie,
That washes ye so wan?
Oh I got it aneth yon marble stane,
Where ye will nere get nane.
73F.24 Yeve been brunt sare anent the sun,
And rocket i the reek;
And tho ye wad wash till dooms day,
Ye wad never be so white.
73F.25 If this be Annie, your first fore love,
Come our weddin to see,
She has by far owr brent a brow
To lat ye bide by me.
73F.26 When bells were rung, and mass was sung,
And a men bun to bed,
Sweet Willie and his nut-brown bride
In ae chamber were laid.
73F.27 The hedna weel layn down, layn down,
But nor hed fallen asleep,
When up and started Fair Annie,
And stud at Willies feet.
73F.28 Vo be to you, nut-brown bride,
Wi yer oxen and your sheep!
It is Annie, my first fore love,
And I fear sair she is dead.
73F.29 Vo be te you, nut-brown bride,
An ill death you betide!
For youve parted me and my first fore love,
And I fear death is her guide.
73F.30 Youll seddle to me the black, the black,
Youll seddle to me the brown,
Till I ride on to Annies bower
And see how she is bune.
73F.31 When he came to Fair Annies bower,
And lighted and gaed in,
......
.....
73f.32 Her father was at her heed, her heed,
Her mother at her feet,
Her sister she was at her side,
Puttin on her winding sheet.
73F.33 Its kiss will I yer cheek, Annie,
And kiss will I your chin,
And I will kiss your wan, wan lips,
Tho there be no breath within.
73F.34 Ye birl, ye birle at my luves wake
The white bread and the wine,
And or the morn at this same time
Yell brile the same at mine.
73F.35 They birled, they birled at Annies wake
The white bread and the wine,
And ere the morn at that same time
At his they birled the same.
73F.36 The one was buried at Marys kirk,
The other at Marys quire,
And throw the one there sprang a birk,
And throw the other a brier.
73F.37 And ay at every years ane
They grew them near and near,
And every one that passed them by
Said, They be lovers dear.
73g: Lord Thomas And Annet
73g.1 Sweet Willie and Fair Annie,
They sat on yon hill,
And frae the morning till night
This twa neer talked their fill.
73G.2 Willie spak a word in jest,
And Ann took it ill:
Wes court na mare maidens,
Against our parents will.
73G.3 Its na against our parents will,
Fair Annie she did say,
.....
.....
73g.4 Willie is hame to his bower,
To his book all alane,
And Fair Annie is to her bower,
To her book and her seam.
73G.5 Sweet Willie is to his mother dear,
Fell low down on his knee:
An asking, my mother dear,
And ye grant it to me;
O will I marry the nut-brown may,
An lat Fair Annie gae?
73G.6 The nut-brown may has ousen, Willie,
The nut-brown may has key;
An ye will winn my blessing, Willie,
And latt Fair Annie be.
73G.7 He did him to his father dear,
Fell low down on his knee:
An asking, my father,
An ye man grant it me.
73G.8 Ask on, my ae son Willie,
Yer sur yer askins free;
Except it is to marry her Fair Annie,
And that manna be.
73G.9 Out spak his little sister,
As she [sat] by the fire:
The ox-leg will brack in the plough,
And the cow will drown in the mire.
73G.10 An Willie will ha nathing
But the dam to sitt by the fire;
Fair Annie will sit in her beagly bower,
An winn a earls hire.
73G.11 Fair faa ye, my little sister,
A guid dead mat ye die!
An ever I hae goud,
Well tochered sall ye be.
73G.12 Hes awa to Fair Annie,
As fast as gan could he:
O will ye come to my marriage?
The morn it is to be.
73g.13 O I will come to yer marriage,
The morn, gin I can win.
.....
.....
73g.14 Annie did her to her father dear,
Fell down on her knee:
An askin, my father,
And ye man grant it me;
Lat me to Sweet Willies marriage,
The morn it is to be.
73G.15 Yer horse sall be siller shod afore,
An guid red goud ahin,
An bells in his mane,
To ring against the win.
73G.16 She did her to her mother dear,
Fell down on her knee:
Will ye lat me to Willies marriage?
The morn it is to be;
Ill lat ye to Willies marriage,
An we the morn see.
73G.17 Whan Annie was in her saddle set
She flamd against the fire;
The girdle about her sma middle
Wad a won an earls hire.
73G.18 Whan they came to Mary kirk,
And on to Mary quire,
O far gat ye that watter, Ann,
That washes ye sae clear?
73g.19 I got it in my fathers garden,
Aneth a marbell stane;
.....
.....
73g.20 O whar gat ye that water, Annie,
That washes ye sae fite?
I gat it in my mothers womb,
Whar ye[s] never get the like.
73G.21 For ye ha been christned wi moss-water,
An roked in the reak,
An ser brunt in yer mithers womb,
For I think yell neer be fite.
73G.22 The nut-brown bride pat her hand in
... at Annie[s] left ear,
And gin her....
A deep wound and a sare.
73G.23 Than.. Annie ged on her horse back,
An fast away did ride,
But lang or cocks crowing,
Fair Annie was dead.
73G.24 Whan bells were rung, and mess was sung,
An a man boun to bed,
Sweet Willie and the nut-brown bride
In a chamber were laid.
73G.25 But up and wakend him Sweet Willie
Out of his dreary dream:
I dreamed a dream this night,
God read a dream to guid!
73G.26 That Fair Annies bowr was full of gentlemen,
An herself was dead;
But I will on to Fair Annie,
An sit if it be guid.
73G.27 Seven lang mile or he came near,
He heard a dolefull chear,
Her father and her seven brithern,
Walking at her bier;
The half of it guid red goud,
The other silver clear.
73G.28 Ye deal at my loves leak
The white bread an the wine;
But on the morn at this time
Yes dee the like at mine.
73G.29 The ane was buried at Mary kirk,
The ither at Mary quire;
Out of the ane grew a birk,
Out of the ither a briar.
73G.30 An aye the langer that they grew,
They came the ither near,
An by that ye might a well kent
They were twa lovers dear.
73h: Lord Thomas And Annet
73h.1 Fair Annie and Sweet Willie,
As they talked on yon hill,
Though they had talked a lang summer day,
They wad na hae talked their fill.
73H.2 If you would be a good woman, Annie,
An low leave a your pride,
In spite of a my friends, Annie,
I wad mak you my bride.
73H.3 Thick, thick lie your lands, Willie,
An thin, thin lie mine;
An little wad a your friends think
O sic a kin as mine.
73H.4 Thick, thick lie your lands, Willie,
Down by the coving-tree;
An little wad a your friends think
O sic a bride as me.
73h.5 O Fair Annie, O Fair Annie,
This nicht yeve said me no;
But lang or ever this day month
Ill make your heart as sore.
73H.6 Its Willie he went home that night,
An a sick man lay he down;
An ben came Willies auld mither,
An for nae gude she came.
* * * * *
73h.7 Its if ye marry Fair Annie,
My malison yes hae;
But if ye marry the nut-brown may,
My blessin an yes hae.
73H.8 Mother, for your malison,
An mother, for your wis,
Its I will marry the nut-brown may,
.....
73h.9.....
.....
Its up an spak his sister,
.....
73h.10 The owsen may hang in the pleugh,
The kye drown in the myre,
An hell hae naething but a dirty drab
To sit doun by the fire.
* * * * *
73h.11 Where will I get a bonny boy,
That will win hose and shoon,
That will rin on to Annies bower,
An haste him back again?
73H.12 Its I have run your errands, Willie,
An happy hae I been;
Its I will rin your errands, Willie,
Wi the saut tears in my een.
73H.13 When ye come to Annies bower,
She will be at her dine;
And bid her come to Willies weddin,
On Monday in good time.
73H.14 Tell her neither to put on the dowie black,
Nor yet the mournfu brown,
But the gowd sae reed, and the silver white,
An her hair weel combed down.
73H.15 Tell her to get a tailor to her bower,
To shape for her a weed,
And a smith to her smithy,
To shoe for her a steed.
73H.16 To be shod wi silver clear afore,
An gold graithed behind,
An every foot the foal sets down,
The gold lie on the ground.
73H.17 Its when he came to Annies bower,
Its she was at her dine:
Yere bidden come to Willies weddin,
On Monday in good time.
73H.18 Youre neither to put on the dowie black,
Nor get the mournfu brown,
But the gowd sae reid, an the silver white,
An yere hair well combed doun.
73H.19 Youre to get a tailor to your bower,
To shape for you a weed,
And likewise a smith to your smithy,
To shoe for you a steed.
73H.20 To be shod with silver clear afore,
An gold graithed behind,
An every foot the foal sets down,
The gold lie on the ground.
73H.21 Its I will come to Willies weddin,
I rather it had been mine;
Its I will come to Willies weddin,
On Monday in good time.
73H.22 Its Ill send to Willie a toweld silk,
To hing below his knee.
An ilka time he looks on it,
Hell hae gude mind o me.
* * * * *
73h.23 An askin, father, an askin,
An I hope you will grant me;
For it is the last askin
That ever Ill ask of thee.
73H.24 Ask me, Annie, gold, he said,
An ask me, Annie, fee,
But dinna ask me Sweet Willie,
Your bedfellow to be.
73H.25 Its I will ask you gold, father,
Sae will I ask you fee,
But I needna ask you Sweet Willie,
My bedfellow to be.
73H.26 For I am bidden to Willies weddin,
On Monday in good time,
.....
.....
* * * * *
73h.27 On every tait o her horses mane
A siller bell did hing,
An on every tait o her horses tail
A golden bell did ring.
73H.28 Twal and twal rade her afore,
An twal an twal ahind,
An twal an twal on every side,
To hold her frae the wind.
73H.29 Fair Annie shined mair on the top o the hill
Than Willie did in the glen;
Fair Annie shined mair on the heid o the hill
Than Willie wi a his men.
73H.30 Whan she came to Marys kirk,
She lighted on the stane;
An when she came to the kirk-door,
She bade the bride gae in.
73H.31 Clear, clear is your day, Willie,
But brown, brown is your bride;
Clear, clear is her lawn curches,
But weel dunned is her hide.
73H.32 Where got ye yon water, Annie,
That has made you so white?
I got it in my fathers garden,
Below yon hollan dyke.
73H.33 But ye hae been washed i the moss water,
An rocked in the reek;
Ye hae been brunt in your mithers wame,
An ye will neer be white.
73H.34 Whatna fool were ye, Willie,
To lay your love on me;
Shes mair gowd on her heid this day
Than Ill wear till I die!
73H.35 Ive laid nae love on you, brown may,
Ive laid nae love on you;
Ive mair love for Fair Annie this day
Than Ill hae for you till I dee.
* * * * *
73h.36 If you will neither eat nor drink,
Youll see good game an play;
But she turned her horse head to the hill,
An swift she rode away.
* * * * *
73h.37 When they were all at supper set,
.....
Till he went to Fair Annies bower,
By the ley licht o the mune.
73H.38 An when he came to Annies bower,
Annie was lying deid,
An seven o Annies sisters an sisters bairns
Were sewing at Annies weed.
73H.39 Its I will take your hand, Annie,
Since ye wald neer take mine;
The woman shall never have the hand
That Ill touch after thine.
73H.40 An I will kiss your mouth, Annie,
Since ye will never kiss mine;
The woman shall never have the lips
That Ill kiss after thine.
* * * * *
73h.41.....
.....
As much breid ye deal at Annies dairgie
Tomorrow yes deal at mine.
73[i]: Lord Thomas And Annet
73[i].1 Fair Annie an Sweet Willie
Sat a day on yon hill;
Whan day was gane an night was comd,
They hadna said their fill.
73[i.2] Willie spak but ae wrang word,
An Annie took it ill:
Ill never marry a fair woman
Against my friendss will.
73[i.3] Annie spak but ae wrang word,
An Willy lookit down:
If I binna gude eneugh for yer wife,
Im our-gude for yer loun.
73[i.4] Willies turnd his horses head about,
Hes turnd it to the broom,
An hes away to his fathers bower,
I the ae light o the moon.
73[i.5] Whan he cam to his fathers bower,
[He tirlt at the pin;
Nane was sae ready as his father
To rise an let him in.]
73[i.6] An askin, an askin, dear father,
An askin Ill ask thee;
Say on, say on, my son Willie,
Whatever your askin be.
73[i.7] O sall I marry the nit-brown bride,
Has corn, caitle an kye,
Or sall I marry Fair Annie,
Has nought but fair beauty?
73[i.8] Ye ma sit a gude sate, Willy,
Wi corn, caitle an kye;
But yell but sit a silly sate
Wi nought but fair beauty.
73[i.9] Up than spak his sisters son,
Sat on the nurses knee,
Sun-bruist in his mothers wame,
Sun-brunt on his nurses knee:
73[i.10] O yer hogs will die out i the field,
Yer kye ill die i the byre;
An than, whan a yer gear is gane,
A fusom fag by yer fire!
But a will thrive at is wi you
An ye get yer hearts desire.
73[i.11] Willies turnd his horses head about,
Hes away to his mothers bour, etc.
73[i.12] O my hogs ill die out i the field,
My kye die i the byre,
An than, whan a my gear is gane,
A fusom fag bi my fire!
But a will thrive at is wi me
Gin I get my hearts desire.
73[i.13] Willies, etc.,
Hes awae to his brothers bower, etc.
73[i.14] \"] "] "] "] sisters bower, etc.
73[i.15] Than Willie has set his wadin-day
Within thirty days an three,
An he has sent to Fair Annie
His waddin to come an see.
73[i.16] The man that gade to Fair Annie
Sae weel his errant coud tell:
The morn its Willies wadin-day,
Ye maun be there yer sell.
73[i.17] Twas up an spak her aged father,
He spak wi muckle care;
An the morn be Willies wadin-day,
I wate she maun be there.
73[i.18] Gar take a steed to the smiddie,
Caw on o it four shoon;
Gar take her to a merchants shop,
Cut off for her a gown.
73[i.19] She wadna ha t o the red sae red,
Nor yet o the grey sae grey,
But she wad ha t o the sky couler
That she woor ilka day.
* * * * * * *
73[i.20] There war four-an-twontie gray goss-hawks
A flaffin their wings sae wide,
To flaff the stour thra off the road
That Fair Annie did ride.
73[i.21] The[re] war four-a-twontie milk-white dows
A fleein aboon her head,
An four-an-twontie milk-white swans
Her out the gate to lead.
73[i.22] Whan she cam to St Maries kirk,
She lightit on a stane;
The beauty o that fair creature
Shone oer mony ane.
73[i.23] Twas than out cam the nit-brown bride,
She spak wi muckle spite;
O where gat ye the water, Annie,
That washes you sae white?
73[i.24] I gat my beauty
Where ye was no to see;
I gat it i my fathers garden,
Aneath an apple tree.
73[i.25] Ye ma wash i dubs, she said,
An ye ma wash i syke,
But an ye wad wash till doomsday
Ye neer will be as white.
73[i.26] Ye ma wash i dubs, she said,
An ye ma wash i the sea,
But an ye soud wash till doomsday
Yell neer be as white as me.
73[i.27] For I gat a this fair beauty
Where ye gat never none,
For I gat a this fair beauty
Or ever I was born.
73[i.28] It was than out cam Willie,
Wi hats o silks and flowers;
He said, Keep ye thae, my Fair Annie,
An brook them weel for yours.
73[i.29] Na, keep ye thae, Willie, she said,
Gie them to yer nit-brown bride;
Bid her wear them wi mukle care,
For woman has na born a son
Sal mak my heart as sair.
73[i.30] Annies luppen on her steed
An she has ridden hame,
Than Annies luppen of her steed
An her bed she has taen.
73[i.31] When mass was sung, an bells war rung,
An a man bound to bed,
An Willie an his nit-brown bride
I their chamber war laid.
73[i.32] They war na weel laid in their bed,
Nor yet weel faen asleep,
Till up an startit Fair Annie,
Just up at Willies feet.
73[i.33] How like ye yer bed, Willie?
An how like ye yer sheets?
An how like ye yer nut-brown bride,
Lies in yer arms an sleeps?
73[i.34] Weel eneugh I like my bed, Annie,
Weel eneugh I like my sheets;
But wae be to the nit-brown bride
Lies in my arms an sleeps!
73[i.35] Willies cad on his merry men a
To rise an pit on their shoon;
An well awae to Annies bower,
Wi the ae light o the moon.
73[i.36] An whan he cam to Annies bower,
He tirlt at the pin;
Nane was sae ready as her father
To rise an let him in.
73[i.37] There was her father a[n] her seen brethren
A makin to her a bier,
Wi ae stamp o the melten goud,
Another o siller clear.
73[i.38] When he cam to the chamber-door
Where that the dead lay in,
There was her mother an six sisters
A makin to her a sheet,
Wi ae drap o....
Another o silk sae white.
73[i.39] Stand by, stand by now, ladies a,
Let me look on the dead;
The last time that I kiss[t] her lips
They war mair bonny red.
73[i.40] Stand by, stand by now, Willie, they said,
An let ye her alane;
Gin ye had done as ye soud done,
She wad na there ha lien.
73[i.41] Gar deal, gar deal at Annies burrial
The wheat bread an the wine,
For or the morn at ten o clock
Yes deald as fast at mine.
