Rig Veda Book 8. Hymn 76

Rig Veda Book 8 Hymn 76

इमं नु मायिनं हुव इन्द्रमीशानमोजसा

मरुत्वन्तंन वर्ञ्जसे

अयमिन्द्रो मरुत्सखा वि वर्त्रस्याभिनच्छिरः

वज्रेण शतपर्वणा

वाव्र्धानो मरुत्सखेन्द्रो वि वर्त्रमैरयत

सर्जन समुद्रियापः

अयं ह येन वा इदं सवर्मरुत्वता जितम

इन्द्रेण सोमपीतये

मरुत्वन्तं रजीषिणमोजस्वन्तं विरप्शिनम

इन्द्रं गीर्भिर्हवामहे

इन्द्रं परत्नेन मन्मना मरुत्वन्तं हवामहे

अस्य सोमस्य पीतये

मरुत्वानिन्द्र मीढ्वः पिबा सोमं शतक्रतो

अस्मिन यज्ञेपुरुष्टुत

तुभ्येदिन्द्र मरुत्वते सुताः सोमासो अद्रिवः

हर्दा हूयन्त उक्थिनः

पिबेदिन्द्र मरुत्सखा सुतं सोमं दिविष्टिषु

वज्रं शिशान ओजसा

उत्तिष्ठन्नोजसा सह पीत्वी शिप्रे अवेपयः

सोममिन्द्रचमू सुतम

अनु तवा रोदसी उभे करक्षमाणमक्र्पेताम

इन्द्र यद दस्युहाभवः

वाचमष्टापदीमहं नवस्रक्तिं रतस्प्र्शम

इन्द्रात परि तन्वं ममे


imaṃ nu māyinaṃ huva indramīśānamojasā

marutvantaṃna vṛñjase

ayamindro marutsakhā vi vṛtrasyābhinacchiraḥ

vajreṇa śataparvaṇā


vāvṛdhāno marutsakhendro vi vṛtramairayat

sṛjan samudriyāapaḥ


ayaṃ ha yena vā idaṃ svarmarutvatā jitam

indreṇa somapītaye

marutvantaṃ ṛjīṣiṇamojasvantaṃ virapśinam

indraṃ ghīrbhirhavāmahe

indraṃ pratnena manmanā marutvantaṃ havāmahe

asya somasya pītaye

marutvānindra mīḍhvaḥ pibā somaṃ śatakrato

asmin yajñepuruṣṭuta

tubhyedindra marutvate sutāḥ somāso adrivaḥ

hṛdā hūyanta ukthinaḥ


pibedindra marutsakhā sutaṃ somaṃ diviṣṭiṣu

vajraṃ śiśāna ojasā

uttiṣṭhannojasā saha pītvī śipre avepayaḥ

somamindracamū sutam

anu tvā rodasī ubhe krakṣamāṇamakṛpetām

indra yad dasyuhābhavaḥ


vācamaṣṭāpadīmahaṃ navasraktiṃ ṛtaspṛśam

indrāt pari tanvaṃ mame